Heydər Əliyev Fondu tərəfindən aztəminatlı ailələrə Novruz sovqatları paylanılır

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə Novruz bayramı münasibətilə aztəminatlı ailələrə sovqatlar paylanılır.

Fonddan bildiriblər ki, layihə respublika üzrə ünvanlı sosial yardım alan bütün ailələri əhatə edir.

Martın 14-dən etibarən Heydər Əliyev Fondunun ezam olunan əməkdaşları regionlar və Bakının rayonlarında ünvanlı sosial yardım alan ailələrə müxtəlif ərzaq məhsullarından ibarət bayram sovqatları çatdırır, sakinlər təbrik olunur.

Qeyd edək ki, öz fəaliyyətində sosial istiqaməti prioritet götürən Heydər Əliyev Fondu qeyri-hökumət təşkilatı olaraq sosial-iqtisadi inkişafa yönəlik dövlət proqramlarına dəstək verərək müxtəlif layihələr həyata keçirir. Fond valideyn himayəsindən məhrum uşaqlar, xüsusi qayğıya ehtiyacı olan şəxslərlə yanaşı, aztəminatlı ailələri də daim diqqətdə saxlayır, onlara müxtəlif bayramlarda, əlamətdar günlərdə baş çəkir.

Xatırladaq ki, Heydər Əliyev Fondunun təşəbbüsü ilə 2016-cı ildə Dünya Azərbaycanlılarının Həmrəyliyi Günü və Yeni il bayramları, 2017-ci ildə Novruz bayramı münasibətilə də respublika üzrə bütün ünvanlı sosial yardım alan ailələrə sovqatlar paylanılıb, sosial yardıma ehtiyacı olan minlərlə şəxs üçün bayram süfrələri təşkil edilib, hədiyyələr verilib.

Həyata keçirilən bu cür layihələr vətəndaşların sosial rifahının yüksəldilməsinə töhfə verməklə yanaşı, onların qayğı ilə əhatələnməsi, əlamətdar günlərdə aztəminatlı ailələrə bayram əhval-ruhiyyəsi yaşatmaq məqsədi daşıyır.

Heydər Əliyev Fondunun bayram sovqatlarının paylanılması martın 19-dək davam edəcək.

AZƏRTAC

Şərh bildirməyə icazə verilmir.

Arxiv
Təqvim
Sentyabr 2019
S M T W T F S
« Jul    
1234567
891011121314
15161718192021
22232425262728
2930  
Statistika
  • 0
  • 29
  • 18
  • 1,251
  • 2,545
ILK-10 Azeri Website Directory