Samuxun Burunqovaq kəndində 330 hektar sahədə taxıl biçini davam edir

Samux rayonunun bütün kəndlərində olduğu kimi Burunqovaq kəndində də taxıl biçini davam etdirilir.
AZƏRTAC-ın bölgə müxbiri xəbər verir ki, Burunqovaq kəndi rayon mərkəzindən 75 kilometr uzaqlıqda yerləşir. 194 ailə təsərrüfatından ibarət kənddə 690 nəfər yaşayır. Kənddə cari ilin məhsulu üçün ümumilikdə 330 hektar taxıl əkilib ki, bunun da 110 hektarı buğda, 220 hektarı isə arpadır.

Bir neçə gün öncə başlayan biçində artıq 113 hektar arpa sahəsi biçilib. Sahələrdə məhsuldarlıq orta hesabla 36 sentnerdən artıq olub.
Kənd əhalisinin əsas məşğuliyyəti əkinçilik və maldarlıq olduğundan bu kənddə təsərrüfat ənənələri yaxşı inkişaf edib. Sakinlər adından Qəndab Alıyeva ölkəmizdə sərbəst təsərrüfat fəailiyyəti üçün yaradılmış şəraitə görə ölkə başçısına minnətdarlığını bildirib.
Samux, 10 iyun, Rauf Hacıyev

Şərh bildirməyə icazə verilmir.

Arxiv
Təqvim
İyun 2019
S M T W T F S
« May    
 1
2345678
9101112131415
16171819202122
23242526272829
30  
Statistika
  • 0
  • 87
  • 35
  • 561
  • 2,247
ILK-10 Azeri Website Directory