Naxçıvanlı karateçilər beynəlxalq turnirdə səkkiz medal qazanıblar

Naxçıvanlı karateçilər “Batumi Open” beynəlxalq turnirində səkkiz medal qazanıblar.

Naxçıvan Muxtar Respublikası Gənclər və İdman Nazirliyindən AZƏRTAC –ın Naxçıvan bürosuna bildirilib ki, turnirdə 6 ölkədən 400 idmançı tatami üzərinə çıxıb. Beynəlxalq turnirdə Naxçıvan Muxtar Respublikası Karate-do Federasiyasının 11 yetirməsi də mübarizə aparıb. İki gün davam edən turnirdə idmançılarımız kata və kumite yarışlarında müxtəlif əyarlı 8 medal qazanıblar.

Belə ki, 14-15 yaş qrupunda tatami üzərinə çıxan Vüsal Seyidov (57 kq) hər iki növdə qızıl medal qazanıb. 8-9 yaş qrupunda mübarizə aparan Rafiq Hüseynli isə iki çəki dərəcəsində (38 və +38 kq) bürünc medala sahib olub.

Turnirdə 18-34 yaş qrupunda naxçıvanlı idmançılar 3 bürünc medala layiq görülüblər. Belə ki, Sərcan Məmmədov (60 kq), Mirpaşa Kərimzadə (75 kq) və Aslan İsmayılov (84 kq) üçüncü yerlə kifayətləniblər.

Qızların yarışında 10-11 yaş qrupunda mübarizə aparan Nərgiz Həsənli (40 kq) də eyni uğuru təkrarlayıb və bürünc medal qazanıb.

Sonda qalib idmançılarımız təşkilatçılar tərəfindən mükafatlandırılıblar.

Şərh bildirməyə icazə verilmir.

Arxiv
Təqvim
Yanvar 2020
S M T W T F S
« Jul    
 1234
567891011
12131415161718
19202122232425
262728293031  
Statistika
  • 0
  • 49
  • 31
  • 440
  • 2,106
ILK-10 Azeri Website Directory