Azərbaycandakı özəl klinikalara xəbərdarlıq edildi

Özəl tibb müəssisələrinə xarici ölkələrdən mütəxəssislərin dəvət olunaraq icazəsiz fəaliyyət göstərməsi nazirliyi narahat edən məsələlərdəndir\r\n\r\nAzərbaycan Səhiyyə Nazirliyi onlardan icazə alınmadan xarici ölkələrdən həkim dəvət edən özəl klinikalara qarşı ciddi tədbirlər görməyi planlaşdırır.\r\n\r\nBunu Trend-ə Azərbaycanın səhiyyə nazirinin müavini Elsevər Ağayev deyib.\r\n\r\nElsevər Ağayevin sözlərinə görə, özəl tibb müəssisələrinə xarici ölkələrdən mütəxəssislərin dəvət olunaraq onların burada icazəsiz fəaliyyət göstərməsi nazirliyi narahat edən məsələlərdəndir.\r\n\r\n“Söz yox ki, bizim qapımız açıqdır. Hər yerdən gələn həkimləri çox böyük məmnuniyyətlə qəbul etmək, onların əhalimizə xidmət göstərməsini istəyirik. Ancaq bu qanuna uyğun, icazəli olmalıdır”,- Ağayev deyib.\r\n\r\nOnun sözlərinə görə, əgər həkim özəl klinikada uzun müddət fəaliyyət göstərirsə, bunun üçün Dövlət Miqrasiya Xidməti, Əmək və Əhalinin Sosial Müdafiəsi Nazirliyindən icazə alınmalıdır. Həmin həkimin tibbi fəaliyyətlə məşğul olmasına isə Səhiyyə Nazirliyinin müvafiq komissiyası icazə verməlidir. SN-nin bu komissiyası müvafiq sənədlərə baxmalı, əhalimizə hansı həkimin tibbi xidmət göstərəcəyini araşdırmalıdır.\r\n\r\nNazir müavini bildirib ki, həkimlər hətta bir həftəlik belə özəl klinikalara dəvət edildikdə də həmin müəssisələr SN-dən icazə almalıdır. Onun sözlərinə görə, nazirlik özəl klinikalara bir necə dəfə xarici həkimlərin mütləq SN-nin müvafiq komissiyasından icazə aldıqdan sonra fəaliyyət göstərməli olması barədə xəbərdarlıq edib. Amma Ağayev bütün özəl klinikaların bu prosedurlara əməl etməməsinə də təəssüflənib.\r\n\r\n”Buna əməl edən də, etməyən də klinika var. Yəqin ki, nazirlik də bu istiqamətdə öz ciddi tədbirlərini görəcək. Fürsətdən istifadə edərək bir daha bu xəbərdarlığımızı, xahişimizi çatdırırıq ki, özəl klinikalar Səhiyyə Nazirliyinin tələb olunan prosedurlarından keçsinlər”, – Ağayev əlavə edib.\r\n\r\nSN-nin icazəsiz həkim dəvət edən özəl klinikalara qarşı görülə biləcək tədbirlərin nədən ibarət ola biləcəyinə gəldikdə, Elsevər Ağayev bildirib ki, İnzibatı Xətalar Məcəlləsi belə müəssisələrə qarşı çərimə tətbiq etməyə imkan verir. Bu cərimələrin sayı məhdudiyyətsiz, məbləği isə 300 manatdan 500 manatadəkdir.\r\n\r\nNazir müavini hesab edir ki, bu cərimələr daha ciddi və kəskin olmalıdır.

Şərhini bildir

Arxiv
Təqvim
İyun 2019
S M T W T F S
« May    
 1
2345678
9101112131415
16171819202122
23242526272829
30  
Statistika
  • 0
  • 0
  • 0
  • 657
  • 2,290
ILK-10 Azeri Website Directory