Bərdədə soğan yığımına başlanıb

Sahədə kiloqramı 40-50 qəpiyə təklif olunur

Bərdədə payızlıq soğanın yığımı başlayıb. Təzə məhsulun bazarlara çıxışı bolluğa, bu isə öz növbəsində, qiymətlərə təsirini göstərib. Belə ki, soğanın qiymətində ucuzlaşma qeydə alınıb.

Qarabağ-Aran Soğan İstehsalçıları və İxracatçılar Assosiyasının sədri Vüqar Babayev AZƏRTAC-a bildirib ki, ölkəmizdə soğan istehsalı daha çox Bərdə, Ağdam, Ağcabədi, Beyləqan, Tərtər rayonlarında həyata keçirilir. 2020-ci ilin məhsulu üçün Qarabağ-Aran regionunda, ümumilikdə, 1200 hektar payızlıq soğan əkilib ki, onun da 740 hektarı Bərdə rayonu ərazisindədir.

Bərdəli fermerlər əsasən payızlıq soğan becərirlər. Məhsuldar toxumun səpilməsi, aqrotexniki qaydalara düzgün əməl edilməsi nəticəsində sahələrdə bol məhsul yetişib. Son illərdə damla suvarma üsulundan istifadə edilməsi nəticəsində məhsuldarlıq yüksəlib. Bu üsulla becərmə zamanı soğanın görünüşü və sağlamlığı daha yaxşı olur, məhsuldarlıq yüksəlir.

Hazırda fermerlər soğan yığımını davam etdirirlər. Sahələrdə məhsul boldur. Təsərrüfatçılar topladıqları məhsulu birbaşa sahələrdən satırlar. Bir kiloqram soğan hazırda ötən ilin eyni dövrü ilə müqayisədə xeyli ucuz – 40-50 qəpiyə təklif olunur. Ucuzlaşmanın səbəbindən biri ölkəmizə xaricdən soğan idxal olunmasıdır. Bərdədə istehsal edilən məhsul yerli bazarla yanaşı, xaricə ixrac olunmaq üçün nəzərdə tutulub. Odur ki, istehsal edilən məhsul xaricə ixrac edilərsə, fermerlər də mənfəət əldə edərlər”, – deyə V.Babayev bildirib.

Qeyd edək ki, payızda əkilən soğanın yığımı aprel, may, iyun aylarında davam edəcək. Yazda əkilən soğan isə avqust ayında yığılacaq.

Şərh bildirməyə icazə verilmir.

Arxiv
Təqvim
May 2021
S M T W T F S
 1
2345678
9101112131415
16171819202122
23242526272829
3031  
Statistika
  • 0
  • 12,983
  • 83
  • 20,360
  • 34,284
ILK-10 Azeri Website Directory